БЕОҐРАД – Нєзависна асоцияция польопривреднїкох Сербиї наявела же ше на ютре нєзадовольни парасти зиду опрез будинку Скупштини Сербиї и придаю свойо вимоги представительом Скупштини.
Асоцияция процив члену Закона хтори предвидзує же польопривредни ґаздовства хтори маю до 30 гектари жеми годни купиц до 20 гектари державней жеми, понеже член нє ґарантує же жем перше будзе понукнута фамелийним ґаздовством. Парасти нєзадовольни анї зоз суму даваньох за польопривреду, хтора остала иста гоч ММФ допущел звекшанє буджету за тоту обласц.
Концом прешлого тижня представителє нєзадовольних польопривреднїкох отримали схадзку з министерку польопривреди Снежану Боґосавлєвич Бошкович, после хторей министерка сообщела же будзе знова розпатрац спорну часц Предлогу вименкох Закона о польопривредней жеми.
На схадзки констатоване же ришеня у Предлогу добри, алє ище вше спорна часц хтора одредзує питанє арендованя державней польопривредней жеми на основи инвестицийох.