СЕРБИЯ – Синдикат Новинарох Сербиї (СИНОС) апелує на посланїкох Скупштини Сербиї же би гласали за предлужованє термину приватизациї локалних медийох. Як одредзене у нових медийских законох, держава з власнїцкей структури медийох ма висц по 1. юлий, цо за пол рока кратши термин у одношеню на други державни подприємства, пише Танюґ.
Синдикат у сообщеню наводзи же то здумане же би ше на концу векшину тих медийох загашело и здогадує же у жемох Европскей униї (ЕУ) постоя реґионални и локални медиї, як и же ЕУ нє вимага же би ше держава поцагла з медийох. Представителє ЕУ у Сербиї явно гуторели же нє вимагали приватизацию медийох, алє транспарентносц власнїцтва и финансованя.
По принципох професийного новинарства, держава би ше нє требала мишац до ушорйовацкей политики медийох, цо у Сербиї барз заступене, та ше прето новинарски здруженя закладаю за виход держави з власнїцтва медийох.