НОВИ САД – Аґенция за приватиацию сообщела же анї у другим кругу предаваня Новинско-видавательного подприємства „Дневник“ нє було заинтересованих за його купованє.
Перши раз предаванє „Дневнику” оглашене 29. юния, а друга поволанка обявена 14. авґуста, з початну цену од 3 милиони 698 506 еври, цо половка вредносци початней цени на першим предаваню. Кед нє будзе купени по 31. октобер, „Дневник” будзе приватизовани прейґ дзелєня акцийох занятим.
На предай 98,9 одсто акцийох „Дневнику” – 48,6 одсто у власносци Войводини, 48,4 одсто припада Републики Сербиї, а 1,9 одсто ма Город Нови Сад.
Нєзависно од подприємства „Дневник“, у його будинку ше находза и „Руске слово” и „Глас люду”.