НОВИ САД – Членїци Националного совиту (НС) Руснацох и його одборох, та руководительки установох хторим НС снователь, нєшка, 16. октобра, участвую на представяню проєкту „Стимулованє родней ровноправносци у рамикох националних совитох националних меншинох”.
Сход будзе отримани у Заводзе за културу войводянских Руснацох на 13 г., а проєкт орґанизує Мисия ОЕБС-у у Сербиї, зоз стратеґийним партнером – Центром за потримовку женом з Кикинди. Проєкт потримує и Покраїнски защитнїк гражданох.
Спрам податкох з НС Руснацох, у нашим Совиту и його одборох єст 28 жени и два жени руководительки установох хторим є снователь.