Нєшка и ютре Општинска смотра дзецинскей театралней творчосци

автор зам
1k Опатрене

КРУЩИЧ – У Крущичу нєшка и на ютре будзе отримана 56. Општинска смотра дзецинскей театралней творчосци, на хторей участвую осем дзецински представи у продукциї драмских секцийох КУД-ох, школох и домох култури.

Селектор Општинскей смотри, режисер Владимир Надь Ачим з Руского Керестура, будзе оценьовац по єдну представу з Крущичу, Сивцу, Липару, Керестура и Червинки и три представи з Кули, витворени на сербским, руским и мадярским язику.

По руски на Општинскей смотри участвую два представи – „Одата за витор” Роберта Такарича, у режиї Александри Лендєр, у виводзеню Руского КУД „Др Гавриїл Костельник” и „Васо Пикасо” Саву Шкобича, у режиї Ксениї Бодянец, у продукциї Драмского студия АРТ Дому култури Руски Керестур.

Обидва спомнути представи по руски на Смотри буду виведзени на ютре – представа Кулянцох на 11,30, а Керестурцох на 14,30 годзин.

Орґанизаторе и домашнї Смотри Културно-просвитна заєднїца Општини Кула, ОШ „Велько Влахович” з Крущичу и КУД „Крущич”, а покровитель Смотри Општина Кула.

Шицки представи ше виводзи у сали КУД „Крущич” (дакедишнї Дом култури).

ПОВЯЗАНИ ТЕКСТИ