БИКИЧ/БЕРКАСОВО – У Бикичу нєшка будзе означена 70-рочнїца ошлєбодзеня валалу у Другей шветовей войни, а означованє почнє у церкви зоз Службу Божу на 9 годзин, после чого, на 10 г., представителє Месней заєднїци и Здруженя борцох положа венци на памятнїк опрез Дому култури, дзе будзе и панахида за погинутих.
На 18 г. у Доме култури будзе културно-уметнїцка програма, хтору пририхтую наймладши з дзецинскей заградки, школяре основней школи и члени КПД ”Иван Котляревски”.
З кладзеньом венцох коло спомин-плочи на Доме култури и на памятнїк погинутим борцом на валалским теметове, на ютре будзе означена и 70-рочнїца ошлєбодзеня Беркасова.