ШИД – Нєшка будзе отримана остатня схадзка Скупштини општини (СО) Шид у терашнїм зволаню, на хторей ше одборнїки буду вияшньовац о Оперативним планє одбрани од вилївох, а тиж меную и Совит за безпечносц Општини.
СО розпатри програми дїлованя за тот рок явих подприємствох и установох хторим є снователь и програми роботи Туристичней орґанизациї и Установи за физичну културу и спортску рекреацию „Партизан”.
Тиж буду розпатрени и финансийни плани Месних заєднїцох Адашевци, Бачинци, Батровци, Бикич, Вишнїчево, Сот и Шид.