КУЛА – На своєй штерацец першей порядней схадзки, одборнїки Скупштини општини (СО) Кула нєшка буду розпатрац закончуюци рахунок буджету Општини за прешли рок, звит о його витвореню, як и звит о реализованю општинского буджету у першей половки того рока.
Медзи другим, на дньовим шоре и Предлог одлуки о здобуваню и розполаганю зоз стварами у явней власносци Општини Кула, розпатранє звиту о дїлованю ЯКП „Водовод” Червинка, а буду и дзепоєдни кадрово питаня, як цо то вибор предсидателя, заменїка предсидателя и членох Комисиї за кадрово-административни питаня и роботне одношенє.
Нєшкайша схадзка СО Кула почина на 10 годзин.