НАШО МЕСТА – Нєшка, 6. фебруара, у трох наших местох – у Руским Керестуре, Коцуре и Дюрдьове буду бали.
У Руским Керестуре будзе Паприґарски бал, остатнї роки найпопуларнєйши и найнащивенши бал у валалє. Бал будзе у Ресторанє „Червена ружа”, а наявени вецей як 200 госци.
У Коцуре нєшка на вечар будзе отримани „Жатвов бал”, у орґанизациї КУД „Жатва”. „Жатвов бал” будзе у Пелетовей сали, а уж штредком того тижня були попредани шицки места.
У Дюрдьове нєшка будзе тиж популарни Бал широких сукньох, хтори традицийно орґанизує КУД „Тарас Шевченко”, у чиїх просторийох Бал будзе и отримани. Як и дотераз, дзивки и жени поприберани до шветочних руских сукньох уходнїцу на Бал маю задармо.