РУСКИ КЕРЕСТУР – Информация о заєднїцких активносцох Рускей матки (РМ), Матици бунєвскей, Матици словацкей и Матици сербскей, будзе єдна з точкох на нєшкайшей схадзки Управного одбору (УО) РМ, у єй канцелариї у Руским Керестуре (на 19 г.). О спомнутих активносцох представителє РМ и матицох бешедовали на нєдавним означованю 20-рочнїци Матици бунєвскей у Суботици.
На дньовим шоре схадзки УО будзе и информация о поднєшених вимогох Матки Вивершному одбору Националного совиту Руснацох и Заводу за културу войводянских Руснацох за софинансованє програми означованя 25-рочнїци РМ, як и информация о прешлого тижня отриманих схадзкох Шветовей ради РРЛ и Шветового форуму русинскей младежи у Горватскей.
Члени УО буду бешедовац и о орґанизованю представяня глашнїка РМ „Руснак” у одборох Матки по наших местох, як и о пририхтованю шлїдуюцих двох тогорчних числох глашнїка.