НОВИ САД – У просторийох и у орґанизациї Заводу за културу войводянских Руснацох и младежского часопису МАК, нєшка, 10. децембра, на 13 годзин будзе отримана Музично-литературна програма наших младих авторох у музики, поезиї и фотоґрафиї.
У програми участвую авторе котрим того и прешлого року вишол музични албум, лєбо кнїжка з часописом МАК, як и дзепоєдни з наймладших сотруднїкох МАК-у.
Наступя музичаре, шпиваче и млади писателє Златко Русковски, Сашо Палєнкаш, Танита Ходак, Саня Полдруги, Анамария Колошняї, Михаил Рамач, Цецилия Надь, Марина Роман и Кристина Афич.
На програми младих нєшка у Заводзе буду виложени и фотоґрафиї Даряна Гардия з його зборнїку фотоґрафийох „// / /”, хтори МАК прешлого тижня видал вєдно зоз Заводом за културу войводянских Руснацох.
