ШИД – Нєшка у Шидзе будзе отримани осми по шоре Фестивал тамбурових оркестрох ,,Мелодиї Руского двору”. Програма почнє у порти Лєтнєй владическей резиденциї на 19 годзин, а кед будзе нєвигодна хвиля Фестивал будзе отримани у сали Културно-образовного центра у Шидзе.
У змагательней часци наступя тамбурово оркестри котри виведу по три композициї, котри будзе оценьовац фахови жири и преглаши три найлєпши оркестри. Публика будзе гласац за найлєпши оркестер по своїм думаню, а побиднїки достаню малюнки.
У ревиялней часци публику будзе забавяц Тамбурови оркестер ,,Равница” зоз Суботици.
Цена уходнїци, хтора источасно и гласацки лїсток, виноши 100 динари, а нащивителє пред Фестивала годни поопатрац виставу малюнкох зоз шестей Подобовей колониї ,,Руски двор 2015”.