НОВИ САД – Покраїнски секретар за образованє, предписаня, управу и национални меншини-национални заєднїци Михаль Нїлаш нєшка ше стретнє зоз предсидателями нових националних совитох националних меншинох у Скупштини АП Войводини.
На заєднїцкей схадзки ше утвердза приоритети будуцого сотруднїцтва, медзи хторима и очуванє и змоцньованє интересох меншинох у Покраїни, алє и стретеґия запровадзованя нових законских ришеньох хтори принєшени прешлого року (Закон о националних совитох националних меншинох, Закон о защити правох и шлєбодох националних меншинох, Закон о службеним хаснованю язика и писма и Закон о матичних кнїжкох).
После прешлорочних виберанкох у АП Войводини єст 17 национални совити – мадярски, словацки, румунски, руски, українски, горватски, бунєвацки, македонски, нємецки, чешки, чарногорски, ашкалийски, єгипетски, ромски и гречески национални совит, и два новоосновани – русийски и польски. За тот рок, з покраїнского буджету видвоєни 60,1 милион динари за їх активносци и функционованє.