Обезпечованє домох за вибеженцох

автор  сен
703 Опатрене

СЕРБИЯ – Комесарият за вибеженцох и миґрациї Републики Сербиї поволує вибеженцох з Горватскей и Босни и Герцеґовини котри нє маю ришене место биваня, же би ше найпознєйше по 18. марец приявели локалному поверенїцтву, пре помоц у обезпечованю местох за живот.

Реґионална квартельна програма настала на заєднїцку инициятиву Босни и Герцеґовини, Горватскей, Сербиї и Чарней Гори, а пре ришованє статусу розселєних особох з обезпечованьом хижох и квартельох найзагроженшим.

Пред двома роками Сербия була перша держава у реґионє хтора подписала Рамиково спорозуменє о окончованю реґионалней програми за тирваце ришованє потребох за обезпечованє домох за коло 17 000 вибеженцох.

Же би ше тоту програму витворело, фамелиї тей катеґориї треба же би до локалного поверенїцтва однєсли документацию, на основи хторей будзе утвердзене чи сполнюю условия за доставанє помоци. За обезпечованє домох ше можу приявиц вибеженци котри реґистровани, як и котри ище вше нє на евиденциї.

 

 

ПОВЯЗАНИ ТЕКСТИ