Образовац кадри у складзе з потребами тарґовища роботи

автор сен
1.1k Опатрене

СЕРБИЯ – План уписованя до штреднїх школох будзе детальнєйше направени и розробени, та ше число оддзелєньох будзе одредзовац спрам критериюмох тарґовища роботи, гварел вчера за медиї министер просвити Срдян Вербич.

Вон здогаднул же скорей було вельо вецей шлєбодни места як школярох, та ше случовало же ше слабши школяре уписовали до престижних школох, а на напрямох на хторих ше виучовало ремесла було барз мало школярох.

Тарґовище роботи ше меня, та остатнї час вельке поглєдованє праве за рижни файти ремеслох, а интересованє за нїх мале. З другого боку, вельке интересованє за штреднї економски школи, а по податкох з Националней служби за обезпечованє роботи, таки кадри найменєй глєдани.

– Нє можеме допущиц продукованє кадру котри вец нє можу найсц роботу, а анї же би преходносц на факултети була пребарз велька. Нє у шоре же би млади пребарз лєгко дошли до факултету, а на першим, лєбо другим року похопели же то нє за нїх. Муши буц ясне цо потребне же би ше дахто школовал у одредзеней штреднєй школи, або на факутету – гварел министер Вербич.

 

 

ПОВЯЗАНИ ТЕКСТИ