Обчекує ше добри род польопривредних културох

автор зам; фото ртв
1.3k Опатрене

БЕОҐРАД – Оценєте же тогорочни род кукурици у Сербиї будзе коло 6 милиони тони, виявел тих дньох державни секретар у Министерстве польопривреди и защити животного штредку Зоран Раїч на Одборе за польопривреду, лєсарство и водопривреду Скупштини Сербиї. Як гварел, под кукурицу єст милион 27 000 гектари, цо скоро 10 000 гектари вецей як влонї.

Под слунечнїком єст 202 000 гектари, тиж вецей як прешлого року, а буду випродуковани коло пол милиони тони, док род сої оценєти на коло 480 000 тони.

Того року цвикла пошата на 50 000 гектарох, цо за коло 7 000 вецей як влонї, а як гварел Раїч, обчекує ше же буду випродуковани коло 2,4 милиони тони цвикли.

– То обчекованя пре терашню вигодну хвилю, алє подобни були и прешлого року, а вец у авґусту пришли горучави, хтори ше одражели на урожай – гварел Раїч.

ПОВЯЗАНИ ТЕКСТИ