КОЦУР – Коцурске Добродзечне огньогасне дружтво (ДОД) з нагоди Дня огньогасцох вчера орґанизовало традицийну, штернасту акцию добродзечного даваня креви. У просторийох ДОД крев пришли дац 36 добровольци, а 23 спольньовали здравствени условия за даванє креви.
Крев дали и сами огньогасци, а акцию потримала и членїца Општинскей ради задлужена за координацию роботи з меснима заєднїцами и здруженями гражданох у Општини Вербас Йована Вуйтович, котра и добордзечни даватель креви. Коцурски огньогасци таки акциї орґанизую два раз до рока, а вєдно з акцию орґанизовану у фебруаре, ДОД того року назберало осемдзешат єдинки креви.
Як за Рутенпрес виявел предсидатель Здруженя Златко Надьфеї, тогорочни ювилей – 85 роки снованя ДОД – нє будзе означени, понеже ше шицок пенєж унапрямює на будованє ґаражи за два камиони. Покля ґаража нє будзе закончена, кед нїзки температури єден камион муши буц паркировани у Вербаше.
Попри акциї даваня креви, вчера орґанизоване и порядне ремонтованє огньогасних камионох, цо финансийно помогла Месна заєднїца Коцур.