Одлучене о дочасовим шефови рахунководства

автор зам
1k Опатрене

РУСКИ КЕРЕСТУР – Совит Месней заєднїци (МЗ) Руски Керестур на вчерайшей схадзки одлучел же шефицу рахунководства, котра одходзи на положнїцке хорованє, по врацанє на роботу будзе заменьовац Владимир Сопка з Руского Керестура, котри и робел на тим роботним месце по одход до пензиї.

Пре вельке искуство у тей роботи, за хтору го, як поведзене на схадзки, и надалєй анґажую у месних заєднїцох у Червинки, Кули, Липару и Крущичу, Владимир Сопка з векшину гласох членох Совиту вибрани як дочасова замена на спомнуте роботне место. На схадзки ше гласало за ище єдну предложену особу, з тих котри ше прешлого тижня приявели до МЗ на интерну оглашку-поволанку Совиту МЗ.

На спомнуту поволанку ше приявели осем особи, алє, як потолковане на схадзки, анї єдна нє сполнює условия спрам Систематизациї роботних местох.

На вчерайшей схадзки Совит МЗ Руски Керестур пременєл и Систематизацию роботних местох у часци хтора ше одноши на фахову приготовку шефа рахунководства, так же место лєм високей, тераз на тим месце годна робиц особа зоз штредню, лєбо висшу фахову приготовку економского напряму.

ПОВЯЗАНИ ТЕКСТИ