БЕОҐРАД – У отворених и завартих просторох од вчера допущене пребуванє найвецей 100 особох, стої у вименки Одлуки о забрани збераня на явних местох. Потераз було допущене зберанє до 50 людзох.
Вименку тей одлуки подписал министер здравя у Влади Републики Сербиї Златибор Лончар.
У тей одлуки назначене же ше и надалєй на явних местох и у завартих просторох муша применьовац шицки превентивни мири хтори ше одноша на дезинфекцию рукох, хаснованє маскох и рукавицох, и почитованє оддалєносци медзи особами од найменєй два метери.
На отвореним просторе оддалєносц муши буц тиж найменєй два метери, а хаснованє маски обовязне.