НОВИ САД – Новосадянє и туристи хтори нащивя Нови Сад од нєшка можу панорамски розпатрац город, понеже Туристична орґанизация Городу и Туристична аґенция „Ласта” запровадзую нєдавно догварени проєкт.
Вчера розпатранє городу у отвореним автобусу було безплатне, а од нєшка ше шицки заинтересовани годни опредзелїц на єден з двох вилєтох – обиходзенє Нового Саду, лєбо Сримских Карловцох.
Обиходзене Нового Саду орґанизованє два раз на дзень – на 10 и на 17 годзин, а Сримских Карловцох раз на дзень, на 13 годзин.
За туристичне розпатранє Нового Саду карта кошта 500 динари и мож ю купиц на Спенсу у ТА „Ласта”, лєбо на уходзе до автобуса.
За обиходзенє Сримских Карловцох, хторе тирва три годзини, карта 1 000 динари и тиж ю мож купиц на Спенсу у ТА „Ласта”, лєбо на уходзе до автобуса.
За обидва обиходи обезпечени туристични водзач на сербским и анґлийским язику.