НОВИ САД – Пондзелок, 16. фебруара, зоз Шветочну схадзку означена 189-рочнїца снованя Матици сербскей, найстаршей сербскей културней установи. З тей нагоди отримана и традицийна бешеда, додзелєни припознаня за сотруднїцтво, як и Змайова награда за поезию.
Змайову награду за найлєпшу кнїжку писньох на сербским язику у 2014. року достал Ґойко Дьоґо, за кнїжку „Конар з хмарох“, хтору видал новосадски „Орфеус“, а бешеду ”Значеня (памятнїки) Другого србского повстаня” отримал др Радомир Й. Попович.
Визначним сотруднїком Матици Сербскей уручене и припознанє „Печац Матици сербскей“, а медзи добитнїками и городоначалнїк Нового Саду Милош Вучевич, владика бачки Ириней, покраїнски секретар за културу и явне информованє Славиша Ґруїч, представитель Заєднїци Сербох у Румуниї Стеван Буґарски и други особи зоз Сербиї и дияспори котри на робя на очуваню сербскей култури.
Матица сербска основана 1826. року у Пешти. Понеже то бул период после ошлєбодзеня од Туркох, єй улога була насампредз очуванє националного и културного идентитету.
До Нового Саду Матица сербска преселєна 1864. року, та город наволани и „Сербска Атина“, прето же ше ту сходзели найобразованши и наймудрейши особи.