НОВИ САД – Стреду, 11. новембра, на два годзин рано розбита клянка и механїзем на уходних дзверох до Заводу за културу войводянских Руснацох и окраднути його просториї.
Як гварел директор Заводу Серґей Тамаш, з його канцелариї украднути екстерни гард- диск, на хторим база податкох од снованя Заводу (од 2008. року) и украднути лаптоп, а ствари по канцелариї розруцани. Материялна чкода коло 40 000 динари и полиция о крадзи направела записнїк.
– Очиглядне же комушик завадза нова дворочна роботна ушорйовацка политика Заводу и велї реализовани проєкти и активносци – гварел з тей нагоди директор Заводу за културу войводянских Руснацох Серґей Тамаш, наглашуюци же „и попри тим, Завод ище активнєйше и без пристрасносцох предлужи зоз своїм способом роботи, хтора базована на транспарентносци, цо векшим умрежованю и уключованю Руснацох до роботи Заводу”.
Крадоше за тераз нєпознати, и полиция процив Н.Н. особи порушал виновну и вишлїдзованє.
