ЖАБЕЛЬ – Тогорочни 13. Медзинародни саяме туризму „ЛИСТ 2015”, хтори тирвал од 7. по 10. май у Лукавцу, у Босни и Герцеґовини и на хторим викладали коло 130 учашнїки з 10 державох, отворели тогорочного партнере Сайму – предсидателє Општини Луковац и Општини Жабель.
Перши дзень бул Фестивал єдзеня и пица, а други бул пошвецени презентациї туристичних и еко-потенциялох вецей општинох, дзе о Општини Жабель бешедовал єй предсидатель Чедомир Божич. Вон визначел же општина понука 32 000 гектари квалитетней жеми за обрабянє, а у обласци туризме найлєпши Ґолф-центер у Сербиї, як и атрактивни терени за лов и лапанє риби.
На штанду Туристичней орґанизациї Войводини на Сайме вєдно з Општину Жабель, свойо понукнуца представели и општини Бачка Паланка, Ириґ, Вершец, Апатин и Зомбор.