ВЕРБАС – У орґанизациї вербаского Здруженя овоцарох „Бачки овоци”, вчера у просторийох Готелу „Бачка” у Вербаше отримане преподаванє професорох з Польопривредного факултету у Новим Садзе.
Преподаванє отримали проф. др Зоран Кесерович и проф. др Мирко Бабич, а як визначел предсидатель Здруженя „Бачки овоци” Васо Лєшкович, манифестация „Дарунки овоци” орґанизована и же би члени Здруженя и подприємство „Сава Ковачевич” промововали свойо палєнки, ликери и други продукти з овоци.
Госци на сходу були помоцнїк у Покраїнским секретерияту за польопривреду Слободан Теофанов, Дянлука Паси з италиянского подприємства „Geoplant vivai” и позната инжинєрка за защиту рошлїнох мр Ружа Петрина.
