КОЦУР – Месни одбор Рускей матки (МО РМ) Коцур всоботу, 3. октобра, орґанизовал Подобову колонию „Коцур 2015” хтора отримана у лєтнєй учальнї ОШ „Братство єдинство”. Роботна часц тирвала од 10 до 15 годзин, а на Колониї робели 25 учашнїки – 15 школяре и 10 старши.
Учашнїки рисовали на блок-паперох з клайбасами и древенима фарбами понеже, пре чежши финансийни стан, МО РМ Коцур того року учашнїком нє могол обезпечиц платна и олєйово фарби. Тема були стари предмети, як цо то фитюли, фартухи, заглавчки, жвератка и друге, хтори орґанизаторе за тоту нагоду принєсли з Етно-клубу „Одняте од забуца”.
Вистава рисункох з Подобовей колониї „Коцур 2015” будзе орґанизована под час Културней манифестациї „Костельникова єшень”, у просторийох Етно-клубу „Одняте од забуца”.
