Отримана порядна схадзка Роботного цела за спорт НС

автор апм
861 Опатрене

ВЕРБАС – Вчера у КПД „Карпати” у Вербаше отримана порядна схадзка Роботного цела за спорт Националного совиту (НС) Руснацох, на хторей найзначнєйша точка було розпатранє способу означованя ювилейних, 25. Спотрских бавискох (СБ) „Яша Баков”. Попри о способе и змистох означованя, бешедоване и о пририхтованю припознаньох за тоту нагоду и другихм питаньох вязаних за означованє ювилею.

Предсидатель Вивершного одбору НС Руснацох Желько Ковач предложел же би ше з нагоди ювилею основало окремни Орґанизацийни одбор хтори, вєдно з Управним одбором (УО) СБ, превежнє часц роботох за орґанизованє преслави.

3-JB-02

На схадзки Роботного цела, хтори творя члени УО СБ, бешедоване и о наиходзацей Виберанковей скупштини СБ „Яша Баков”, а предсидатель СБ Звонко Салаґ присутних поинформовал о активносцох медзи двома схадзками, дзе у тим периодзе отримани 9 спортски змаганя.

На схадзки присуствовали предсидатель и подпредсидатель Роботного цела, односно СБ Звонко Салаґ и Иван Папуґа, члени Кирил Симунович, Владимир Мученски и Борис Шайтош, як и предсидатель ВО Желько Ковач и секретар НС Таня Арва Планчак.

ПОВЯЗАНИ ТЕКСТИ