БИКИЧ – Всоботу, 14. новембра, ОФК „Бикич” означел 30-рочнїцу снованя. Ювилей означени з фодбалским змаганьом з госцами зоз Словацкей и шветочну схадзку Клубу.
У приятельскким змаганю, домашнї победзели госцох зоз Словацкей – ФК „Искра” з Ґерлахова з 5:1.
На шветочносци з нагоди ювилею у Доме култури у Бикичу предсидатель ФК Далибор Гнатко и предсидатель Совиту Месней заєднїци Деян Бобаль привитали представительох локалней сдамоуправи, Општинского фодбалского союзу, представительох фодбалских клубох зоз шидскей општини, госцох зоз Словацкей и других.
З тей нагоди представени историят ОФК „Бикич” од снованя 1985. року по нєшка, найзначнєйши успихи през 30 роки постояня, а подзелєни и припознаня заслужним фодбалером и другим поєдинцом котри допомогли у розвою Клубу и фодбалу у Бикичу, як и госцом з Ґерлахова.
Медзи иницияторами за снованє ОФК „Бикич” бул Стеван Бобаль, дакедишнї новинар и спортиста, чийо мено нєшка ноши стадион у валалє.
