ШИД – У осмим колє Општинскей фодбалскей лиґи Шид ОФК Бикич на домашнїм терену победзел Борец з Илинцох зоз 4:0, а Єднота зоз Шиду, тиж дома, победзела Бинґулу з 5:1.
Спрам за тераз нєурядових информацийох, у Бачинцох нє бавене змаганє медзи ОФК Бачинци и Сримцом з Беркасова бо госци нє пришли, та би змаганє мало буц реґистроване зоз 3:0 за домашнїх.
На таблїчки водзи Гайдук з Вишнїчева з 22 бодами, ОФК Бикич други з 20, ОФК Бачинци треци зоз 16 бодами, кельо ма и Єднота на штвартим месце, док Сримец остатнї 12., без бодох.
На нєдзелю, у дзевятим колє, ОФК Бикич госцує у Ямени процив Ґраничару, ОФК Бачинци бави у Бинґули процив истоменей екипи, Єднота госцує у Ґибарцу процив Синдєличу, а Сримец дочекує водзаци Гайдук.