НОВИ САД – Нєшка на 10 годзин у Скупштини АП Войводини будзе отримана конференция з тему „Приватизация медийох – нагода, чи нєставанє?”. Як наявене, на сходзе будзе представени дотерашнї процес приватизациї, а акцент будзе на медийох хтори информую на язикох националних меншинох-заєднїцох.
Окрем стану у наших медийох, учашнїки годни чуц и искуства жемох з реґиону, та о актуалним стану у явним информованю.
На конференциї буду бешедовац представителє ресорних державних орґанох, фаховци зоз Сербиї и швета, представителє медийох и новинарских здруженьох, та националних совитох у чиєй инґеренциї и информованє на меншинских язикох.
Конференция „Приватизация медийох – нагода, чи нєставанє?” орґанизована у рамикох медзинародного проєкту „Медийна обсерватория Юговосточней Европи – змоцньованє капацитетох и коалицийох за провадзенє медийного интеґритету и унапредзенє реформох у медийох”.