ВЕРБАС – У нововербаскей парохиї Св. Владимира внєдзелю по Служби Божей пошвецени коло 110 кошарки з пасхалним єдзеньом, а у полней церкви парох о. Иґор Вовк пречитал Вельконоцну винчованку владики кир Георгия Джуджара. На Шветли пондзелок у тей парохиї по Служби отримана и Вельконоцна програма дзецох, хтору з нїма пририхтала учителька Оля Станков.
OLYMPUS DIGITAL CAMERA
И у старовербаскей парохиї Покрова Пресвятей Богородици на Служби на Вельку ноц було полно парохиянох, а пошвецени вецей як 90 кошарки з вельконоцним єдзеньом. Парох о. Алексий Гудак тиж вирним пречитал Вельконоцну винчованку владики кир Георгия Джуджара.
OLYMPUS DIGITAL CAMERA
По Служби у одборнїци парохиї отримана вистава роботох дзецох котри ходза на виронауку и руски язик при учительки Славици Мали, а були виложени фарбени писанки, винчованки и други вельконоцни прикраски.
У тей парохиї на Други дзень Велькей ноци по обидвох службох було мированє, а помировани коло 150 вирни.
OLYMPUS DIGITAL CAMERA