БЕОҐРАД – Гражданом Сербиї ше понука здраву и безпечну поживу, а нашо продукователє тиж вивожа квалитетни продукти, гварела министерка польопривреди Снежана Боґосавлєвич Бошкович.
Инспекцийни служби контролую безпечносц и квалитет поживових продуктох, алє министерка поручела гражданом най поживу купую на реґистрованих местох, односно у тарґовецких ланцох, маркетох и на пияцох, а нє на „шивим тарґовищу”.
Сербия ускладзела свойо предписаня з Европску унию у обласци контроли и безпечносци поживи, а як оценєла министерка Боґосавлєвич Бошкович, проблеми безпечносци поживи у нас нє частейши як у других державох.