КОЦУР – У Руским доме у Коцуре вчера, 12. юлия, почала ювилейна манифестация „Коцурска жатва” котра будзе тирвац два днї.
Перши дзень манифестациї почал зоз першу провадзацу програму, виставу малюнкох Серафини и Силвестера Макая, коцурских визначних уметнїкох и виставу старих фотоґрафийох хтору представело дружтво „Олория”зоз Дюрдьова .
Манифестацию отворел предсидатель КУД „Жатва” Микола Шанта зоз словами о самей манифестациї, о творчосци уметнїкох Макайових, о їх сликох котри мальовани на склу и на платну, о значносци шлїду котри охабели.
Тиж представел и фотоґрафиї дюрдьовского здруженя на котрих представена наша история, значни хвильки, свадзби, фамелийни стретнуца, валалски роботи, а шицким нащивительом приблїжела їх значносц и предсидателька здруженя „Олория” Леона Виславски.
Виставу малюнкох и фотоґрафийох нащивителє годни нащивиц и нєшка у Руским доме.
