КОЦУР – Вчера, 30. януара, у Руским доме у Коцуре члени Културно-уметнїцкого дружтва ,,Жатва” дочекали капелана о. Данила Задрепка же би благословел його просториї.
З богоявлєнску швецену воду о. Задрепко пренєсол Божи благослов на тот простор, алє и на присутних членох Дружтва.
Нєшка ше и закончує пошвецанє обисцох коцурскей парохиї грекокатолїцкей церкви Успения Пресвятей Богородици, котре тирвало од 20. януара. Обисца вирних пошвецали парох коцурски о. Владислав Рац и капелан о. Данил Задрепко.
