СЕРБИЯ – Як цо раз рочнє вожа превозки на технїчни препатрунок, так тераз кажди треци рок парасти буду мушиц контроловац пирскачки и орошивачки, гварел польопривреднїком професор Польопривредного факултету у Новим Садзе Драґан Седлар.
Вон виявел же уж формована 31 мобилна станїца за контролу, у хторих буду робиц фаховци з польопривредних фахових службох и штреднїх польопривредних школох. Контрола пирскачкох почнє пошвидко, а перши два роки контроли буду безплатни, гварел професор Седлар.
Витворйованє стандардох пред вивозом, алє и менши утрати пре чкоди хтори правя нєбаждарени машини – то причини обовязней контроли спомнутей механїзациї.