СЕРБИЯ – Стерилни елементи першей помоци, як цо то фатьоли и ґази, пре огранїчени час тирваня треба меняц кажди пейц роки, а понеже пред пейц роками уведзена обовязка же би кажди авто мушел мац комплет першей помоци по нових стандардох, того року векшини виходзи час тирваня. Кед полиция утвердзи же вицекол час тирваня, вожач може достац кару од 5 000 динари.
Цали комплет першей помоци кошта 2 300 динари, а замена материялу хторому вишол час тирваня коло 1 200 динари.
Єст нєурядово наяви же даєдни установи оможлївя черанє нєхаснованих материялох – односно же за нови заменя тоти цо им вишол час тирваня заменя, пишу новини „Дневник”. Медзитим, одлука о тим, як и о местох за черанку, можебуц будзе позната концом того тижня.