Преглашени найлєпши вина на „Сримскей винияди” у Беркасове

автор Вл. Дїтко
1.3k Опатрене

Фахова комисия оценьовала 86 вина и преглашела найлєпших продуковательох билого, чарного и червеного вина, пошвецени винїци и наявени нови винїцарски рок у хторим роботи можу почац

З нагоди Святого Трифуна, защитнїка винїцох и винїцарох у Беркасове отримана традицийна туристична манифестация „Сримска винияда”. По двацецперши раз зишли ше винїцаре и винаре, односно любителє вина же би оценєли хто випродуковал найлєпше вино. По традициї, дополадня пошвецена винїца у кумових „Винияди”, а того року то були Радо Перич и Душан Трзин зоз винариї „Данґуба”. Винїцу пошвецел беркасовски парох Сербскей православней церкви о. Боян Цветкович.

Того року пред фахову комисию, и єдного з найпознатших енолоґох, професором Слободаном Йовичом, були виложени за оценьованє 86 прикладнїки билого, чарного и червеного вина. У ресторану „Далас” була и вистава и деґустация винох винариї „Ґаїч”, а на етно–штанду ше представело и Здруженє женох „Жридло” зоз Беркасова.

Продуковательох вина и госцох винияди привитал Никола Васич, предсидатель општини Шид, хтори повинчовал найлєпшим продуковательом вина, а другим пожадал же би и вони шлїдуюцого року були медзи наградзенима.

Професор Йович виповед даскельо красни виреченя о вину и додал же любов и вино иду вєдно, як и швето Святого Трифуна и Святого Валентина.

У катеґориї шицких змагательох за били вина перше место достала винария Илич-Ниємчевич зоз Бикичу. Други бул Мирослав Кралєвич зоз Илоку, а треци тиж зоз Републики Горватскей Андєлко Прокопец зоз Бапскей. Чарни вина найлєпши мал Клуб винарох зоз Сурчину, друге место припадло Радету Комазецу зоз Индїї, а треце тиж Клубу винарох зоз Сурчину. Оценьовани и червени вина и у тей катеґориї перше место освоєла Славица Чолич зоз Товарнїку зоз Републики Горватскей, друге Раде Комазец зоз Индїї, а винария „Данґуба”.

Орґанизаторе по традициї вибераю и найлєпших продуковательох вина зоз Беркасова. Винария „Данґуба” мала найлєпше биле вино, а Миодраґ Митрович чарне. Орґанизаторе Винияди и того року були Месна заєднїца Беркасово з потримовку Туристичней орґанизациї Шиду и општини Шид. За добре розположенє през вечара бул задлужени оркестер зоз Шашинцох при Сримскей Митровици.

 ПОШВЕЦЕНА ВИНЇЦА МИРОСЛАВА СОКОЛА

Внєдзелю пошвецена и винїца познатого винїцара и продукователя вина Мирослава Сокола зоз Бикичу. Пошвецели ю о. Михайло Режак, парох у Шидзе и декан сримски, и о. Владимир Еделински Миколка, парох у Беркасове. На пошвецаню були и госци зоз Бардейова.

SID OSVECENJE VINOGRADA

ПОВЯЗАНИ ТЕКСТИ