БЕОҐРАД/РУСКИ КЕРЕСТУР – Представителє керестурскей Ґимназиї „Петро Кузмяк” 28. октобра були госци на промоциї проєктох Центру за промоцию науки на Медзинародним сайме кнїжкох у Беоґрадзе.
Зоз Школи на промоциї були директорка Хелена Пашо Павлович, секретар Михайло Надь и професорка математики Наталия Будински.
Як Рутенпрес дознава од Будинсковей, представителє Школи упознати з проєктами „Creation, RRI tools, Hypatia”, до хторих уключени и велї европски держави. Тоти проєкти ше занїмаю з правеньом рамикох за STEM образованє, дзе ше комбинує науку, технолоґию, инжинєрство и математику, а ученє базоване на одкриваню.