ЖАБЕЛЬ – Прешлого тижня у сали Домуа култури у Жаблю отримана Презентация веб сайту Е-култ општини Жабель на котрим представени културни и историйни сеґменти општини.
Веб сайт Е-култ (www.e-kultzabalj.rs) содержи информациї зоз вецей обласцох. Историйоґрафия зазначела податки о визначних особох з општинского подруча и о дружтвеней, економскей и културней истирої општинских населєньох. У ласци Нашлїдство мож пречитац податки о музейох, сакралних обєктох и фолклорним нашлїдству. Традиция ма податки о шейсцох културних дружтвох и здруженьох на териториї општини, медзи нїма представене и Културно-уметнїцке дружтво Тарас Шевченко з Дюрдьова. На боку Манифестациї мож поопатрац фотоґрафиї и пречитац звити зоз манифестацийох котри у општинских местох финансийно помага Општина. У часци Памятнїки находза ше податки о историйних памятнїкох на териториї општини, а медзи нїма и биста Яши Бакова котра ше находзи опрез Рускей школи у Дюрдьове.
На презентациї, попри представнїкох локалней власци, була присутна и покраїнска секретарка за културу, явне информованє и одношеня з вирскима заєднїцами Драґана Милошевич.
smart