Преславене Богоявлєнє, почало пошвецанє обисцох

автор маф
736 Опатрене

КУЛА – Богоявлєнє Господнє вчера преславене и у грекокатолїцкей парохиї у Кули, дзе з тей нагоди Службу Божу у церкви священомученїка Йосафата служел кулски капелан о. Платон Салак, ЧСВВ, док парох о. Виталий Лотоцки, ЧСВВ, Службу служел у филияла кулскей парохиї у Крущичу.

По обидвох Службох священїки окончели и обряд пошвецаня води, хтору вирни однєсли до своїх домох, а такой вчера почало и пошвецанє обисцох.

Парох Лотоцки пошвецел грекокатолїцки обисца у Крущичу, а капелан Салак у Новей Кули, док нєшка пошвецанє обисцох обидвома паноцове почню у самей Кули.

Пошвецанє по одредзеним розпорядку ту тирва и два мешаци, понеже то нагода же би священїки побешедовали зоз своїма парохиянами у їх обисцох.

ПОВЯЗАНИ ТЕКСТИ