ВЕРБАС – Општина Вербас порихтала идейни и виводзацки проєкт за реконструкцию завартого базену у Центре за физичну културу „Драґо Йовович”, по хторим на базену у цалосци будзе заменєна конструкция закрица и облаки.
Вредносц роботох оценєна на 14,2 милиони динари без ПДВ, а як плановане, закрице будзе мац охрану од дижджу, будзе отвореного тип пре благочасове обачованє можлївих пременкох, а облаки буду мац тропасмове скло. Цали простор будзе ошвицени з ЛЕД-ошвиценьом.
Локална самоуправа з ребалансом буджету за тоти роботи видвої коло 5 милиони динари, а векшину средствох плановане обезпечиц з других жридлох, медзи нїма и од покраїнских орґанох.