АПОСТОЛСКИ ЕҐЗАРХАТ – У наших грекокатолїцких парохийох програми з нагоди Миколая, котри дзецом подзелї дарунки, буду нєшка и на ютре.
Дочек Миколая, пригодна програма и дзелєнє пакецикох у нашей церкви у Новим Садзе нєшка будзе по Служби Божей, хтора на 17 годзин.
У дюрдьовскей грекокатолїцкей церкви дзелєлнє дарункох з нагоди Миколая будзе нєшка по Служби на 9 годзин, а у виронаучней сали на парохиї дзеци виведу и пригодну музично-рецитаторску програму. У нашей церкви у Ґосподїнцох Миколай пакецики подзелї по Служби Божей, хтора будзе на 11 годзин.
У Кули Миколая дзеци з програму привитаю по Служби, хтора будзе на 15 годзин.
Дочек Миколая и дзелєнє пакецикох у грекокатолїцкей церкви у Новим Вербаше будзе нєшка на 16. годзин, а церкви у Старим Вербаше пригодна програма з нагоди Миколая и дзелєнє пакецикох будзе на ютре по Велькей Служби Божей, хтора почина на 10 годзин.
У новоораховскей церкви швето Святого Миколая будзе тиж преславене зоз Службу Божу, хтора будзе на 14 годзин По Служби школяре котри виучую руски язик виведу пригодну програму, а Миколай им подзелї дарунки. З нагоди Миколая, у Бачкей Тополї Служба Божа нєшка будзе на 16 годзин.
Святого Миколая дзеци у церквох у Бикичу, Беркасове и Шидзе привитаю нєшка – у Бикичу, на 16,30; у Беркасове на 17,45 г., а у Шидзе на 18,30 годзин. У Бачинцох Миколай пакецики дзецом подзелї на ютре, 20. децембра, коло 11 годзин, по Служби Божей.
У нашей грекокатолїцкей парохиї у Беоґрадзе, дзеци и старши парохиянє Миколая дочекаю нєшка на 16 годзин. У каплїци (у Вишеґрадскей улїци ч. 23) будзе Служба Божа, а потим Миколай коло 15-ерим дзецом подзелї дарунки.
У сримскомитровицкей парохиї з нагоди Миколая програма и дарунки за дзеци будзе на ютре, внєдзелю, по Велькей Служби Божей, хтора на 10 годзин.