САВИНЕ СЕЛО/ДЮРДЬОВ – У рамикох 24. „Дньох Миколи М. Кочиша” у орґанизациї Дружтва за руски язик, литературу и културу, нєшка и на ютре буду отримани програми у Савиним Селу и у Дюрдьове.
У Савиним Селу, у ОШ „Бранко Радичевич”, нєшка на 12 годзин будзе стретнуце школярох котри у тей школи виучую руски язик з писательку Ирину Гарди Ковачевич, а представителє Дружтва представя и тогорочну продукцию своїх виданьох.
На ютре у Дюрдьове, у ОШ „Йован Йованович Змай”, на 16 годзин заплановане Литературне стретнуце, на хторим буду означени вецей рочнїци наших творительох и дїячох по походзеню з того места – 100-рочнїца народзеня учителя и писателя Янка Олеяра (1914-1998), 80 роки народзеня виховательки Наталиї Голуб (1934-1994) и 70 роки народзеня поетеси Амалиї Балоґ Ґерлах (1944-1992).
На програми буду додзелєни припознаня з меном Якима Олеяра и Амалиї Хромиш, та промоция виданьох Дружтва за руски язик, литературу и културу.