СРИМ – З нагоди нєшкайшого швета, святи Миколяй вчера нащивел и сримски парохиї у Шидзе, Бикичу и Беркасове, дзе наймладшим подзелєл дарунки.
У кратших привитних програмох Миколайови у церквох у спомнутих местох наступели Младша шпивацка ґрупа КПД „Дюра Киш” зоз Шиду, виронаучни дзеци, а рецитовали и дзеци котрим Миколай подаровал пакецики.
У Шидзе подзелєни 40 пакецики, подобно и у Бикичу, а у Беркасове 13.
За добри привит Миколайови остарали ше парох у Шидзе о. Михайло Режак и наставнїца Златка Сивч Здравич, беркасовски парох о. Владимир Еделински Миколка и панїматка Наташа Регак.
Вчера дополадня Миколай подзелєл дарунки и страшим парохияном котри ше кажди штварток од 10 до 12 годзин дружа у Лєтнєй владическей резиденциї.
