АНДРЕВЛЄ – У орґанизациї Антена Деску Креативна Европа Сербия, стреду и штварток, 16. и 17. септембра, орґанизовани семинар з назву „Програмa Креативна Европа – проєкти сотруднїцтва”. Учашнїки на семинаре ше мали нагоду упознац з идеями и концептами проєктох, администрацийнима аспекатами проєктох, алє и активно анализовац и унапредзовац предкладаня проєктох учашнїкох.
Семинар орґанизовани пре подзвигованє квалитету и пририхтованє проєктох за конкурованє на програми Креативней Европи, як и пре злєпшованє самей комуникациї, сотруднїцтва и черанку искуствох представительох установох и орґанизацийох у култури з городох и општинох у Сербиї.
Спред Заводу за културу войводянских Руснацох на семинаре присуствовала Наташа Мецек.