СЕРБИЯ – Єднократна помоц просвитним роботнїком, хтора им ґарантована з контрактом хтори Министерство просвити подписало зоз синдикатами у априлу, ище вше нє виплацена, а нє познате кеди будзе. Кед Влада Сербиї пошвидко нє пове кеди просвитни роботнїки достаню пенєжи, вони буду знова штрайковац.
На конференциї чолнїкох трох синдикатох у просвити заключене же з Влади муша сообщиц кеди будзе виплацена єднократна помоц. Предсидатель Синдикату роботнїкох у просвити Сербиї Слободан Брайкови гварел же кед нє достаню обецану помоц, синдикати буду вимагац корекцию коефициєнтох, окреме кед ше нє уведзе платни класи.
На конференциї нє бул нїхто з Униї синдикатох просвитних роботнїкох Сербиї, та ше чолнїки трох синдикатох порадзели же, кед ше Влада нє вияшнї, идуци тидзень отримаю ище єдну схадзку и преверя яке розположенє членох за штрайк.