КУЛА – На нєдавно отвореним шлїзкалїщу у дворе основней школи Иса Баїч, орґанизована и школа корчоляня котру водзи керестурски професор физичного воспитаня Славко Пап.
Перша годзина корчоляня була вчера, а идуца планована за нєшка з початком на 11 годзин. Попри тим, на истим шлїзкалїщу мож бавиц и гокей, перши тренинґ гокею отримани позавчером, а надалєй будзе кажди вечар з початком на 21 годзин. Бувши репрезентативец у биатлону, Славко Пап, з тей нагоди визначел же интересованє за школу корчоляня барз вельке, и же рахує же школяре до тижня звладаю основни технїки.
Шицки активносци на шлїкалїщу безплатни, а орґанизатор им Туристична орґанизация и Општина Кула. Першей годзини корчоляня присуствовал и предсидатель Општини Кула Дамян Милянич.