Средства и за єден керестурски проєкт

автор зам
1.3k Опатрене

НОВИ САД/РУСКИ КЕРЕСТУР – У Новим Садзе пияток, 17. юния, Општина Кула и Новосадски гуманитарни центер подписали контракт о доставаню безповратних средствох за женске поднїмательство, а у рамикох програми потримовки занятосци и образованя.

У мено кулскей општини, дзе одобрени аж седем з 21-ого проєкту, контракт подписала Драґана Жекич, сотруднїк на запровадзованю того проєкту, хтори ше одноши на унапредзенє, лєбо починанє власного бизнису.

Медзи добитнїками безповратних средствох и Любица Няради з Руского Керестура, котра конкуровала з проєктом туристичного представяня рускей култури, традициї, єдлох и здравого живота на валалє.

Новосадски гуманитарни центер проєкт витворює у рамикох SEED програми, хтору финансує Австрийска розвойна агенция.

ПОВЯЗАНИ ТЕКСТИ