„Страґедия” у Кули, „Береме ше” у Дюрдьове

автор зам
1.1k Опатрене

КУЛА/ДЮРДЬОВ – Руски народни театер (РНТ) „Петро Ризнич Дядя” того викенду з двома представами госцує перше у Кули, потим у Дюрдьове.

На соботу, 13. децембра, РНТ з представу „Национална страґедия” автора и режисера Славка Ороса, госцує у Кули. Представа будзе у театралней сали Културного центру, на 19 годзин.

На нєдзелю, 14. децембра, РНТ госцує у Дюрдьове, з найновшу представу „Береме ше, так нам и треба” Яна Лазорика, у режиї Силвестера Дорокхазия.

Представа витворена у копродукциї з коцурским КУД „Жатва”, а у Дюрдьове будзе виведзена у сали КУД „Тарас Шевченко” на 19 годзин.

ПОВЯЗАНИ ТЕКСТИ