Схадзки СО Вербас єдна за другу

автор геп
876 Опатрене

ВЕРБАС – На вчерайшей, 17. схадзки Скупштини општини (СО) Вербас бешедоване о звитох о дїлованю явних подприємствох, установох, службох и орґанизацийох. Принєшена Одлука о ҐИС стратеґиї од 2015. по 2019. рок, о даваню услугох за наступну сезону зогриваня, о защити польопривредних ґаздовствох на подручу вербаскей општини, а вименєна и дополнєта Одлука о окончованю комуналней дїялносци.

На предкладанє Комисиї за кадрово, административни питаня и роботни одношеня розришени и меновани нови члени школских одборох у вербаскей Ґимназиї, ШФШ „4. юлий”, ОШ „Петар Петрович Нєґош”, меновани предсидатель Управного одбору Явней аґенциї за зоогиґиєну и польопривреду и член Надпатраюцого одбору Дому здравя „Велько Влахович”.

За нєшка на поладнє уж такой заказана 18. схадзка, на хторей будзе розпатрана и програма предшколскей установи, дзе як окремна точка будзе и отверанє оддзелєна на мадярским язику.

ПОВЯЗАНИ ТЕКСТИ