БЕОҐРАД – Такса за явни сервиси од 1. януара будзе 150 динари, а будзе ше ю наплацовац прейґ рахунку за струю, пише у Предлогу закона о дочасовим ушорйованю наплацованя такси за явни медийни сервис, хтори пред народнима посланїками у Скупштини Сербиї.
З пенєжу хтори будзе наплацени на териториї Войводини 70 одсто наменєне за Радио-телевизию Войводини (РТВ), а 30 одсто будзе прешлїдзене до Радио-телевизиї Сербиї (РТС).
Попри такси, з державного буджету за явни медийни сервиси опредзелєни и штири милиярди динари и оценєне же то обезпечи стабилну систему финансованя їх основней дїялносци. Источашнє ше водзело рахунку и о економским стану гражданох.
Предлог закона предвидзує же плаценє такси за РТВ и РТС почнє од 1. януара, а мал би тирвац по 31. децембер 2016. року.